Përbërja e dy institucioneve të reja që do të krijohen, Këshilli i Lartë GJyqësor dhe Këshilli i Lartë i Prokurorisë duket se po bëhen shkak i mosdakortësisë mes maxhorancës dhe opozitës për të mbyllur draftin e reformës në Drejtësi.
Partia Demokratike ka kërkuar vendet e rezervuara në këto dy komisione, nëse nuk do të ketë konsensus. Ndërsa për socialistët përbërja e tyre duhet të votohet me 2/3 e votave. Kjo është çështja që ende nuk po bien dakord palët për të votuar draftin përfundimtar.
