Një ditë pas grabitjes së ndodhur në Rinas, ku u vodhën 995 mijë euro, ka reaguar Sekretari i Përgjithshëm i LSI-së ku e ka konsideruar këtë ngjarje si papërgjegjshmëri për sigurinë kombëtare. Luan Rama ka shtuar se duhet të mblidhet edhe Këshilli i Sigurisë Kombëtare.
Një ditë pas grabitjes së ndodhur në Rinas, ku u vodhën 995 mijë euro, ka reaguar Sekretari i Përgjithshëm i LSI-së ku e ka konsideruar këtë ngjarje si papërgjegjshmëri për sigurinë kombëtare.
Luan Rama i ka bërë thirrje organeve kompetente që të marrin masa për të zbardhur rrethanat e ngjarjes dhe të kapin autorët, ndërkohë që kryeministrit i ka bërë thirrje që të marrë masa për të gjitha institucionet përgjegjëse.
Por Rama nuk është ndalur me kaq, pasi ai ka kërkuar mbledhjen e Këshillit të Sigurisë Kombëtare për këtë ngjarje.
“Grabitja është papërgjegjshmëri për sigurinë kombëtare! Ministria e Brendshme deklaroi masa shtesë të sigurisë – banditët vjedhin një ditë më pas në pistën e Rinasit! Ministria e Brendshme, Policia e Shtetit, Forcat e Armatosura, SHISH dhe prokuroria të bashkëpunojnë për zbardhjen e ngjarjes! Kryeministri të marrë masa për të gjithë institucionet përgjegjëse! Do të kërkoj të mblidhet komisioni parlamentar i sigurisë kombëtare. Presidenti të mbledhë menjëherë Këshillin e Sigurisë Kombëtare! Ngjarja është shumë e rendë- të nxirren përgjegjësitë!” tha ai.
Lajmet e tjera për grabitjen ne Rinas
