Talo Çela, i shpallur në kërkim si personi që modifikoi furgonin për grabitjen e Rinasit, dyshohet se ka kryer krimin e dyfishtë të vëllezërve Viktor dhe Besmir Haxhia në qytetin e Durrësit.
Sipas abcnews, hetimet janë kryer nga Prokuroria e Durrësit dhe më pas dosja ka kaluar në SPAK.
Talo Çela është i vetmi nga grupi i Grabitjes së Rinasit që vazhdon të jetë në kërkim.
Me sa duket i penduari për vrasjen e vëllezërve Haxhia ka treguar që ishte Talo Çela, personi që ka kërkuar nga Besmir Haxhia të tregojë ku janë fshehur paratë e grabitjes.
Sakaq janë shpallur në kërkim për vrasjen e vëllezërve Haxhia edhe 3 persona të tjerë.
Ngjarja ndodhi në biznesin e tyre të tregut të makinave me qira në zonën e njohur si “Nishtulla” në “Shën Vlash” të Durrësit, ku ata sapo mbërritën me makinë në prill të këtij viti./abcnews.al
