Lëkundje të forta tërmeti kanë krijuar panik te banorët në qarkun e Korccës, ndërsa raportohet se në shumë ndërtesa ka pasur dëme.
Lëkundjet kanë detyruar njerëzit që të braktisin shtëpitë, ndërsa goditja e parë ka qenë me magnitudë 5.3 të shkallës Rihter.
Deri më tani nuk raportohet për lëndime në njerëz ndërsa dëmet më të madhe materiale janë shkaktuar në rrethina, aty ku banesat janë më të amortizuara.
Epiqendra e këtij tërmeti ka qenë 12 kilometra në vijë ajrore midis Korçës dhe Ersekës. Sipas raportimeve bëhet me dije se kanë qenë 5 lëkundje në total që kanë tronditur banorët, të cilët shprehen se një tërmet i tillë kaq i fuqishëm është i jashtëzakontë për këtë zonë dhe se nuk ka ndodhur prej vitesh.
