“Shqipëria sot nuk ka Gjykatë Kushtetuese pasi janë pastruar 7 nga 9 gjykatësit për shkak se nuk plotësonin standardet e reformës së paprecedentë që po bëjmë ne.
Për 30 vjet janë bërë çorap pronat që i ka bërë çorap drejtësia. Janë bërë çorap të drejtat e njerëzve që kush kishte leke i blinte kush nuk kishte ia merrte ai që kishte”.
Kështu u shpreh Edi Rama në studion e “Open”, ndërsa akuzoi opozitën se ka frikë jo vetëjm se humbet zgjedhjet, por edhe se po ngrihen institucionet e reja të drejtësisë.
“Nëse në Shqipëri do të ishte ajo situatë që thotë opozita, aleatët tanë strategjikë SHBA dhe BE nuk do të mbanin këtë qëndrim që mbajnë. Dhe vizën nuk ma kanë hequr mua, kaq duhet të dini”, tha Rama.
I pyetur në lidhje me raportet e ndërkombëtarëve, Rama tha se për këtë çështje duhet të pyetet ministri për Punët e Jashme dhe Europën që është në detyrë, pasi ai i rregullon ato, i di me pikë e me presje.
“Nëse SHBA do të kishin këtë perceptim dhe konkluzion sikundër thuhet në Shqipëri, nuk do të ishin kaq mbështetës dhe të zëshëm në mbështetje.
Raportet e DASH janë të një natyre tjetër, sepse po të marrësh raportet e DASH dhe të shikosh se çfarë shkruajnë për vende perëndimore, habitesh.
SHBA nuk e kanë fare problem që këtu nuk ka Gjykatë Kushtetuese, pasi janë shumë të kënaqur që po bëhet ky pastrim.
Nuk e kontrolloj unë drejtësinë, por është Operacioni Ndërkombëtar i Monitorimit”, tha Rama.
I pyetur se si ka mundësi që anëtarët e institucioneve të reja janë zgjedhur në kundërshtim me propozimet e ONM, Rama tha se nuk i intereson fare kjo gjë, pasi nuk e kontrollon ai këtë proces.
