Kryeministri Edi Rama në një konferencë për mediat akuzoi Partinë Demokratike se dhunën e ka precedent të sajin që pas disa muajsh pa krijimit të saj.
Rama nisi të bëjë paralelizëm mes asaj që ka ndodhur në protestën e djeshme dhe asaj që mund të ndodhte nëse ai do të ishte duke mbajtur fjalim si kryetar opozite dhe flakët do të mbërrinin deri në dritaret e zyrës së kryeministrit.
“Mendoni ju se ku do të isha unë, sikur unë të isha duke mbajtur fjalim dhe flakët do të vinin deri në dritaret këtu. Mendoni ju se unë do të isha këtu me ju? Mendoni ju se unë do të isha në ndonjë vend të globit? Ua them unë do të isha në botën tjetër.
Ua ka thënë vetë ai që pishmanin që ka ishte që në vitin 2011 nuk më dha plumbin ballit”, tha Rama, duke dhënë ndoshta një mesazh të koduar, por që ka kërcënuar opozitën.
Kryeministri tha se ata që u mblodhën dje këtu dhe për 7 orë u sollën nëpër Tiranë si huliganë futbolli të dehur tapë, nuk janë as demokratë dhe as Shqipëria.
“Në Shqipëri ka 5500 qendra votimi dhe Kodi Penal e ka shumë të qartë se çfarë ndodh nëse prek zgjedhjet”, tha Rama, duke i quajtur fatkeq ata që vërtet mendojnë se mund të bllokojnë zgjedhjet për shkak se ua kërkon fallxhorja, Luli apo çdokush tjetër.
Në vijim Kryeministri i ka drejtuar një tjetër mesazh kreut të opozitës Lulzim Basha, duke sqaruar se këtë gjë ia ka thënë edhe shumë kohë më parë, kur i hyri kësaj rruge.
“Po i kujtoj Bashës mesazhin që i kam çuar kohë më parë kur i hyri kësaj rruge: ke kohë ende të kthehesh, sepse ata që të ndjekin do të kërkojnë llogari ty herët a vonë.
Jam i gatshëm për dialog, i gatshëm për t’u ulur dhe diskutuar dhe aq më tepër kur ata thonë se nuk kanë nevojë as për karrige.
Jemi gati të rikthejmë në nisma ligjore gjithçka që ato kanë si shqetësim për jetën e popullit, nëse nuk e bëjnë këtë për pazar”, tha Rama.
