Jemi në paradhomën e diktaturës. Kështu e ka përkufizuar situatën që po kalon vendi, kreu i PBDNJ-së, Vangjel Dule. Ai tha se dhuna ndaj protestuesve në protestën e djeshme të opozitës është e papranueshme dhe e dënueshme.
Ndërsa, Nard Ndoka, tha se jemi përballë një emergjence kombëtare, ku qytetarët dhe opozita janë të vendosur për largimin e Edi Ramës nga post ii kryeministrit.
“Rama t’i thërrasë arsyes dhe mendjes, nëse i ka mbetur ende”, tha kreu i PDK-së.
Për kreun republican, Fatmir Mediu, për situatën aktuale, ka vetëm një rrugëdalje, që t’i jepet mundësia qytetarëve që të zgjedhin dhe të zgjidhen në mënyrë të lirë.
“Do bëjmë çdo gjë për zgjedhje të lira, që do të ndërpresin lidhjet e krimit me qeverinë”, tha Mediu, duke shprehur besimin se shqiptarët do të reagojnë.
Dashamir Shehi, kreu i LZHK-së, tha se protestat e opozitës janë në ngritje. Ndërkohë për dhunën e policisë ndaj qytetarëve, Shehi theksoi se ata janë karikuar sikur ne jemi armiq.
“Policët të respektojnë ligjin, mos dëgjojnë një bandë që jep urdhëra”, tha Shehi, duke shtuar se protestat do të shkojnë deri atje sa qytetarët të mos hapin më as dyqanet dhe t’i bashkohen protestave.
