Një situatë e tensionuar është krijuar te Parlamenti, ku ka pasur përplasje mes policisë dhe një grupimi protestuesish.
Policia ka reaguar me gaz lotsjellës dhe ujë me presion, ndërsa forcat special të FNSH me mburoja dhe shkopinj gome, kanë sulmuar protestuesit që u zhvendosën nga Kryeministria te godina ku zhvillohen seancat plenare.
Protestuesit kanë hedhur fishekzjarre në drejtim të policisë, ndërsa ka raportime për të plagosur.
Nuk ka një shifër të saktë të qytetarëve të dëmtuar apo të punonjësve të policisë, por prej disa minutash në hapësirën përpara Kuvendit të Shqipërisë ka konfrontime.
