Edi Rama, kryeministër dhe Kryetar i PS-së, ka mbledhur kryesinë e kësaj partie ku pritet të diskutohen emrat për kryebashkiakë.
Rama ka hyrë në selinë e PS-së, i shoqëruar nga këshilltari i tij, Endri Fuga.
Mbledhja e kryesisë së socialistëve pritet të vendosë mbi kandidatët e paraqitur apo të përzgjedhur për kryebashkiakë, miratimi i të cilëve formalisht do të bëhet në mbledhjen e Asamblesë Kombëtare më 10 maj.
Në të paktën dy bashki kryesore, atë të Durrësit dhe Shkodrës, socialistët ende nuk kanë përcaktuar kandidatin, edhe pse në garë janë disa emra.
Deri më tani PS ka zyrtarizuar 30 nga 61 kandidatët.
