Ish-drejtori i qeverisë Rama, Saimir Kurti ka plagosur 3 persona në Kavajë, ku një prej tyre është edhe kreu i Forumit Rinor të Partisë Demokratike për këtë qytet, Irkid Kazazi dhe babai i tij, Eqerem Kazazi. Por pas kësaj ngjarjeje kanë shpërthyer edhe aludimet e medieve pranë kryeministrit Rama, e konkretisht media e italianit Carlo Bollino ka dhënë versionin e saj, sipas së cilës ka nisur “plani për destabilizim i paralajmëruar nga Berisha”.
“Përplasje mes personave të dy kampeve të kundërta politike në Kavajë, 3 të plagosur. Nis plani për destabilizim i paralajmëruar nga Berisha?”, shkruan Shqiptarja.com dhe Report Tv në raportimin e tyre të ngjarjes.
E është pikërisht media e drejtuar nga gazetari italian i natyralizuar shqiptar, Carlo Bollino, e lidhur me qeverinë dhe përfituese e tenderave të shumtë nga Rama dhe nga bashkia e Tiranës, ajo e cila ka hedhur dyshimet se kjo plagosje e ka pikënisjen nga Berisha.
Carlo Bollino përfituesi i tenderave të Bashkisë së Tiranës, Ministrisë së Brendshme dhe i palmave të autostradës Tiranë-Rinas, i tenderave nga Ministria e Mbrojtjes dhe e Kulturës, i marrjes me koncesion të bunkerëve sot ka shkuar në një çmenduri analitike.
Sipas medias me pronar italianin Bollino, krimin me armë të kryer sot para zyrave të trafikantit Elvis Rroshi nga krahu i tij i djathtë dhe zyrtari i Ramës, ndaj drejtuesve të forumit rinor demokrat në Kavajë, e konsideron si krim të Sali Berishës për të nisur destabilizim e vendit./Syri.net
