33 deputetë të maxhorancës kanë nënshkruar pasditen e sotme draftin më ndryshime në Kushtetutë, që materializon reformën në drejtësi.
Mes deputetëve nënshkrues janë ata që kanë qenë pjesë të komisionit të reformës në drejtësi por edhe kryetari i grupit parlamentar të LSI Petrit Vasili, anëtari i komisionit të Ligjeve Tahir Muhedini.
Të hënën komisioni i ligjeve do të diskutojë pikërisht ligjet e posaçme që shoqërojnë reformën në drejtësi. Mësohet se kjo është një procedurë sipas standardeve që kërkon kuvendi. Po kështu mësohet se të enjten miratohet kalendari 2-javor ku do të përfshihet edhe drafti i ndryshimeve kushtetuese për reformën në drejtësi, çka konfirmon se brenda 15 korrikut reforma do të jetë në parlament.
