Policia rrugore në Korçë vetëm në dy ditët e fundit ka vendosur 260 masa administrative ndaj drejtuesve të mjeteve.
Burime të kësaj policie bënë të ditur se 160 nga këto masa administrative janë vendosur në rrugët nacionale të rrethit të Korçës.
Gjithashtu mësohet se janë arrestuar në flagrancë për shkelje të rregullave të qarkullimit rrugor, tre persona.
Dy prej personave të arrestuar kanë rezultuar si konsumues të pijeve alkoolike tej normave të lejuara dhe një drejtues mjeti i pa pajisur me patentë.
Policia e sektorit të qarkullimit rrugor I ka përqëndruar kontrollet e saj këtë fundjavë kryesisht pranë lokaleve të natës në Korçë e qytetet e tjera, për shkak të rritjes së sigurisë publike por edhe pranisë së pushuesve nga rrethet e tjera të vendit.
