Një grup të rinjsh nga Pogradeci ishin sot në mbështetje të protestës së banorëve të Unazës së Re. Ata kanë udhëtuar nga Pogradeci për t’u rrjeshtuar në krah të banorëve të Unazës së Re, që kërkojnë anullimin e projektit që shemb banesat dhe pronat e tyre.
“Kërkesat tona janë të drejta, anulloni projektin e Unazës së Re dhe devijimin e shtratit të lumit Lana.
Veliaj e pranoi se devijimi i shtratit të Lanës ndodh për shkak të biznesmenit Edmond Bego, i akuzuar për trafik droge, por prapa tij qëndron Taulant Balla.
Ndaj i kërkojmë Ramës dhe Veliajt të anullojë projektet.
Veliaj është një mashtrues, del sot dhe publikon projektin e një shkolle, por pas saj, brenda territorit të Universitetit Bujqësor do të ngrihen kullat. Ndaj ne do të mbrojmë edhe atë tokë atje, që i shërben Universitetit.
E vetmja rrugë, e vetmja shpresë është 13 Prilli, shpresoj që të jetë data e fundit e qeverisë Rama”, tha një tjetër banor i Unazës së Re. Sipas tij, me paratë e shqiptarëve, sot Ramën e ndjekin nga pas qindra forca policore, sepse mendon se me polici do të mbajë pushtetin.
“Ramën e pamë dje si zagar, që fshihej në ferra nga populli i Kukësit”, tha banori.
