Shkrimtari Rudi Erebara paralajmëron se në rast se kryetari aktual i bashkisë Tiranë, Erion Veliaj rimandatohet në një mandat të dytë, atëherë ai do të largohet përgjithmonë nga Shqipëria.
Gjatë një bisede në studion e Fax News me gazetaren Klaudia Karabolli, Erebara u shpreh se sistemi ka rënë, e bashkë me të edhe ndërkombëtarët.
‘Mjetet janë të paqarta, njerëzit janë në padurim. Në rast se larg qoftë, fiton Erion Veliaj Bashkinë e Tiranës, të nesërmen në mëngjes unë pres biletën dhe iki në Itali. Sepse ne e kemi provuar diktaturën, që disa njerëz vranë mijëra të tjerë. 34 mijë u burgosën, etj. Këta njerëz janë gjallë. Ish-ministri i 2 prillit mbajti 1 minutë heshtje, e bija e Azem Hajdarit ka dalë kundër partisë së babait të vet. Ka rënë sistemi, kanë rënë edhe ndërkombëtarët;, deklaroi Erebara.
Erion Veliaj, kryetari aktual i Bashkisë Tiranë u shpall kandidati zyrtar i PS për Tiranën në një mandat të dytë. Veliaj është kandidati i vetëm deri më tani, pas djegies së mandateve nga opozita.
