Gjykata e Lartë në Itali ka lënë në fuqi vendimin e Apelit për dy shqiptarët e akuzuar për vrasjen e Marco Montruccoli-t. Punëtori i ndërtimit u vra me thikë në moshën 34-vjeçare në 2 shkurt 2015, në banesën në të cilin banonte i vëllai Matteo, në komunën Forche, pjesë e provincës së Reggio Emilia-s.
Dy shqiptarët, Fatmir Hikaj 30 vjeç e Daniel Tufa 31 vjeç, u dënuan përkatësisht me 22 dhe 13 vite burgim.
Vrasja ndodhi më 2 shkurt 2015. Atë mbrëmje, vëllai i Marco-s, Matteo i kishte kërkuar ndihmë viktimës, sepse sipas tij, shqiptarët donin ta mbanin me forcë në një grup që merrej me shpërndarje droge. Akuzë të cilët shqiptarët e kanë mohuar gjithnjë. Dhe kështu, Marco kishte shkuar në shtëpinë e vëllait të tij në Forche, për t’i dhënë atij një ‘dorë’ gjatë takimit me Fatmirin e Danielin. Takimi, gjatë të cilit lindi një sherr. Matteo u plagos, ndërsa Marco mbeti i vdekur nga lëndimet që i shkaktuan 14 goditje me thikë. /BoldNews/
