Shqipëria është shtëpia jonë, ndërsa ambasadorët vijnë e ikin. Kështu u shpreh sot kryetarja e LSI-së, Monika Kryemadhi, ndërsa opozita ka zhvilluar protestën e rradhës.
Ajo u shpreh se protestat do të vazhdojnë deri në largimin e Ramës dhe plotësimin e dy kërkesave të opozitës.
“Reforma zgjedhore është një proces që nëse nuk garantohet shitblerja e votës, dhe përdorimit të bandave kriminale, ajo është e kotë.
Nëse të gjithë këta ambasadorë që na flasin për demokracinë, a do u japin bukën e fëmijëve të tyre shqiptarëve?!… Ata vijnë dhe ikin. Shqipëria është shtëpia jonë jo e ambasadorëve”, tha Kryemadhi, duke shtuar se në shtëpinë e saj nuk mundet që të shkojë komshiu dhe të bëjë ligjin.
