Gjykata Penale e Tiranës ka dhënë masat e sigurisë për 6 protestuesit e ndaluar në protestën e fundit të opozitës, e zhvilluar para Kuvendit të Shqipërisë.
Gjykata ka vendosur masën e sigurisë me burg për Mariglen Doçin, Emiljano Mustafën dhe Dorian Protoduarin.
Ndërkohë për 3 protestues të tjerë, Arbër Kola, Bledar Dollia dhe Jurges Gjikola, gjykata vendosi “arrest shtëpie”.
u dha masa e sigurisë arrest shtëpie.
Pas vendimit kanë reaguar ish-deputetët e PD-së, Klevis Balliu dhe Edmond Spaho. Ata e kanë cilësuar vendimin si politik, duke shtuar se me vendime të tilla synohet trembja e protestuesve.
Ndërsa Endrit Braimllari akuzoi qeverinë Rama si të lidhur me krimin. Ai tha se vendimi ndaj 3 protestuesve ishte i padrejtë.
Pas protestës së opozitës, zhvilluar më 21 mars para Kuvendit, policia ndaloi disa protestues, ndërsa 6 prej tyre i vendosi në masë arresti. Policia i akuzoi të arrestuarit për kundërshtim të forcave të policisë, si dhe akte e dhunës.
Ndërkohë policia ka proçeduar penalisht disa qytetarë, mes të cilëve edhe Sekretarin e Përgjithshëm të PD-së, Gazmend Bardhi.
Opozita dhe qytetarë të Tiranës kërkuan dy ditët e fundit lirimin e protestuesve, madje duke organizuar edhe protesta para Drejtorisë së Policisë së Tiranës.
