Brenda javës së fundit, 16-22 mars, 4 personazhe të njohur janë ekzekutuar në rrethana të ndryshme, ndërsa vetëm në njërën nga vrasjet policia ka mundur të identifikojë autorin, i cili është vetëdorëzuar.
Për tre ngjarjet e tjera kriminale policia nuk ka mundur të përcaktojë shkakun e krimit dhe as të identifikojë autorë,
Të katër personat që janë ekzekutuar kanë qenë të njohur për publikun apo kategori të caktuara, ndërsa seria e krimeve nisi më 16 mars në Parkun e Liqenit në Tiranë.
Në sy të djalit të tij, u ekzekutua me armë zjarri haxhi baçinozi, ish i përndjekur politik. Pak ditë pas krimit u vetëdorëzua në polici autori, ndërsa dyshimet janë se vrasja ka ndodhur për shkak të një borxhi që autori i kishte viktimës.
Në 18 mars, Tirana tronditet nga një tjetër krim, kur në një pritë u vra Jurgen Kurti. Viktima 26 vjeç u ekzekutua poshtë shttëpisë së tij, ndërsa emir i tij ishte i njohur për publikun. Ai njihej si menaxheri i VIP-ave, por njëkohësisht ai ishte lakuar për dy ngjarje kriminale. Në 2016 akuzohej për vrasjen e babait të tij, krim që më pas iu faturua dajës së Kurtit, ndërsa 1 vit më pas për një tjetër vrasje e ndodhur në qytetin e Durrësit.
Më 20 mars, në qytetin e Shkodrës u ekzekutua Ferdinand Polia, i njohur për bizneset e tij të turizmit në Theth. Polia u vra teksa po udhëtonte me makinë me një mikun e tij.
Më 22 mars, në Elbasan u ekzekutua me armë me silenciator avokati Ravik Gurra, mbrojtës ligjor i Emiliano Shullazit dhe familjes Çapja.
