Analisti Andi Bushati, duke analizuar deklaratën e Presidentit Ilir Meta, tha se ai ka deklaruar që e djeg mandatin e Kreut të Shtetit, ndoshta duke pasur parasysh faktin se Edi Rama është i vetmi që nuk lëshon karrigen e pushtetit.
Bushati tha se Rama nuk dha dorëheqjen kur kandidonte për kryetar bashkie nga funksionet e tij, ashtu sikundër ndodhi me Lulzim Bashën apo Sokol Olldashin që kandidonin për bashkinë.
“Rama nuk dha dorëheqjen as kur humbi zgjedhjet në 2009-ën, Rama nuk e lëshon kolltukun dhe duket se kjo e bën atë shkaktarin e krizës në vend.
Sali Berisha ka dhënë dorëheqjen, madje edhe Ilir Meta ka dhënë dorëheqjen nga postet, në momente të caktuara politike, ndërsa Edi Rama asnjëherë nuk ka ikur nga pushteti”, tha Bushati.
Sipas tij, Meta ka thënë se ikën nëse gjendet zgjidhja për krizën, nuk ka deklaruar se ikën për t’a thelluar atë.
“Meta ka thënë që iki për të mos djegur vendin, pra ajo që unë kuptoj është se ai i bën thirrje Ramës që të ikë për të zgjidhur krizën”, tha Bushati.
