Vijon prej 90 minutash takimi i parashikuar për mesditën e kësaj të diele me kryetarit të opozitës Lulzim Basha dhe kreut të Kuvendit e njëkohësisht kryetarit të LSI Ilir Meta pas ftesës së këtij të fundit.
Fokusi i takimit do të jetë Reforma në Drejtësi dhe ngërçi i saj pas mosdakordësisë së demokratit Basha dhe kryeministrit Rama të cilët u takuan disa ditë më parë.
Në takim kreu i LSI shoqërohet nga shefi i kabinetit të tij Sokol Dervishi ndërkohë qe Basha shoqërohet nga deputeti Oerd Bylykbashi
Meta tha më parë se drafti duhet të kalojë në kalendarin 3-javor të punimeve të Kuvendit, ndërsa theksoi se duhet adresuar zgjidhja përfundimtare e miratimit të reformës në seancë. Kreu i Kuvendit tha gjithashtu se takimi duhet të zhvillohet deri ditën e hënën, ndërsa vendin dhe formatin e tij ia la në dorë Bashës.
Pas dështimit të paralajmëruar nga Sali Berisha të takimit Rama-Basha, kreu i Parlamentit, Ilir Meta, mori në dorë negociatat për miratimin e Reformës në Drejtësi. Kur SHBA akuzoi opozitën për dështimin e negociatave dhe mbështeti vendimin e mazhorancës për të miratuar e vente draftin, Ilir Meta i dha edhe një tjetër mundësi Bashës, duke e ftuar që të uleshin në një tryezë, për të diskutuar lidhur me projektin kushtetues.
Në kushtet kur mazhoranca ka deklaruar se nuk do të pranojë kurrsesi ndarjen politike të vendeve të lira në institucionet e drejtësisë, mbetet për t’u parë produkti dhe qëllimi i këtij takimi. Po pse po takohen realisht Lulzim Basha dhe Ilir Meta? Çfarë fshihet pas heshtjes së Partisë Socialiste? A do të tërhiqet mazhoranca nga formula e zgjedhjes së anëtarëve të institucioneve të drejtësisë? Apo Lulzim Basha do ta përdorë takimin me Metën si alibi për t’u tërhequr nga vendet e rezervuara?
Ora 11:10 Meta ka një surprizë për Bashën për ditëlindje
Takimi mes Bashës dhe Metës ka korresponduar me ditëlindjen e kreut të opozitës. Ilir Meta e ka surprizuar Bshën duke i dhuruar 42 trëndafila me rastin e 42 vjetorit.
Ora 11:00 Kryeparlamentari Meta mbërrin në hotel Rogner, Basha ende jo
Kryeparlamentari Meta ka mbërritur në ambientet e hotel Rogner ku do të mbahet takimi i kësaj të djele, ndërkohë që ende nuk ka mbërritur kryedemokrati Basha i cili është sërish me vonesë si në takimin e disa ditëve më parë me kryeministrin Rama
(Basha mbërrin 7 minuta me vonesë)
Një ditë më parë, kryetari i Kuvendit, Ilir Meta ftoi shefin e opozitës, Lulzim Basha që të uleshin në një tryezë, për të diskutuar lidhur me reformën në drejtësi. Ftesa e Metës erdhi pas dështimit të takimit Rama-Basha ditën e hënë ku palët nuk arritën të gjejnë dakordësinë për çështjet që i mbajnë larg konsensusit.
Partia Demokratike ka hequr dorë nga kërkesa e panegociueshëm deri pak ditë më parë, votimi me 94 vota i anëtarëve të drejtësisë, për të nxjerrë një tjetër kusht, atë të vendeve të rezervuara në Këshillin e Lartë Gjyqësore dhe Këshillin e Lartë të Prokurorisë.
Ilir Meta i la afat deri të hënën, por kryetari i opozitës, Lulzim Basha, ka shprehur gatishmërinë për ta takuar një ditë më përpara, në përpjekje për të gjetur rrugën e konsensusit për miratimin e Reformës në Drejtësi. Kryetari i PD, Lulzim Basha dhe kreu i Kuvendit, Ilir Meta, pritet të takohen paraditen e sotme, në orën 11:00, Në hotel Rogner. Pas dështimit të paralajmëruar nga Sali Berisha të takimit Rama-Basha, kreu i Parlamentit, Ilir Meta, mori në dorë negociatat për miratimin e Reformës në Drejtësi. Kur SHBA akuzoi opozitën për dështimin e negociatave dhe mbështeti vendimin e mazhorancës për të miratuar e vente draftin, Ilir Meta i dha edhe një tjetër mundësi Bashës, duke e ftuar që të uleshin në një tryezë, për të diskutuar lidhur me projektin kushtetues. Kryetari i opozitës pritet të shoqërohet në këtë takim nga nënkryetari i komisionit për Reformën në Drejtësi, Oerd Bylykbashi. Në kushtet kur mazhoranca ka deklaruar se nuk do të pranojë kurrsesi ndarjen politike të vendeve të lira në institucionet e drejtësisë, mbetet për t’u parë produkti dhe qëllimi i këtij takimi. Po pse po takohen realisht Lulzim Basha dhe Ilir Meta? Çfarë fshihet pas heshtjes së Partisë Socialiste? A do të tërhiqet mazhoranca nga formula e zgjedhjes së anëtarëve të institucioneve të drejtësisë? Apo Lulzim Basha do ta përdorë takimin me Metën si alibi për t’u tërhequr nga vendet e rezervuara?
Mesazhi i LSI
Nga Gjirokastra, Sekretari i Përgjithshëm i LSI-së, Luan Rama ka siguruar se partia e tij do të jetë përcaktuese në reformën në drejtësi. Në një kohë kur Meta është përcaktues në dialogun politik, dhe në takimin e tij të pritshëm me Lulzim Bashën, Luan Rama u ka kujtuar qytetarëve, se reformat e mëdha duan liderë të mëdhenj. Një vlerësim ky i natyrshëm për kreun e partisë së tij, Ilir Metën, por edhe një sinjal se tryeza e mundshme Meta-Basha mund të sjellë zhbllokimin e procesit. Në vijim të fjalës së tij para anëtarëve të partisë në Gjirokastër, Sekretari i përgjithshëm i LSI-së u shpreh se “reformat e mëdha, kanë nevojë për liderë të mëdhenj, kanë nevojë për njerëz vizionarë, kanë nevojë për njerëz të aksionit, për njerëz të veprimit, për njerëz të fjalës së mbajtur dhe të respektit ndaj qytetarëve të cilët duhet të kuptojnë dhe duhet të ndiejnë një herë e mirë që politika është për tu shërbyer atyre”.
Takimi
Kryetari i PD, Lulzim Basha dhe kreu i Kuvendit, Ilir Meta, pritet të takohen paraditen e sotme, në orën 11:00, Në hotel Rogner, në përpjekje për të gjetur rrugën e konsensusit për miratimin e Reformës në Drejtësi.
