Komisioni Qendror i Zgjedhjeve i dha sot mandatin e deputetëve kandidatëve të PD dhe LSI që ishin përfshirë në listat shumëemërore të këtyre partive në zgjedhjet e fundit parlamentare.
Referuar vendimit të KQZ-së, Majlinda Halilaj ka marrë mandatin e Lulzim Bashës, kreut të PD-së.
Kjo pas propozimit nga Denar Biba i cili kërkoi që zëvendësimet të bëheshin nga numri 1 i listës. Pasi u hodh në votim KQZ miratoi me 4 vota praktikën. Kundër këtij propozimi votoi vetëm Klement Zguri.
Nga qarku i Beratit, Lefter Maliqi mori mandatin e Astrit Velisë të PD-së
Nga qarku i Lezhës Elda Hoti mori mandatin e lënë nga Viktor Tushaj të LSI-së.
Në Durrës mandatin e Nora Malaj e mori Edlira Hyseni.
Në Gjirokastër në vend të Vangjel Tavos e merr Ediola Braha.
KQZ shtyu për nesër dhënien e mandatit për Ligoraq Karamelos, i cili do zëvendësonte Klevis Balliun në Korçë.
Nuk dihet pse në Korccë nuk respektohet i njëjti vendim, pra zëvendësimi i të parit të listës, e cila për qarkun në fjalë kryesohej nga Valentina Duka. Me pak fjalë Karamelo duhet të zëvendësojë Dukën dhe jo Balliun.
