Ministrja e Shëndetësisë, Ogerta Manastirliu, mbështet protestën e mjekëve kundër dhunës nga pacientët, apo të afërmit e tyre.
Në një reagim në rrjetet sociale, Manastirliu e cilësoi të turpshme vendimin e gjykatës që liroi nga burgu personin i cili dhunoi mjekun në spitalin infektiv.
“Mbështes plotësisht protestën e bluzave të bardha kundër dhunës. E konsideroj të turpshme lehtësinë me të cilën Gjykata e Shkallës së Parë, vendosi të rrëzojë masën e kërkuar nga Prokuroria për rastin e mjekut që u dhunua në spitalin Infektiv. Do të jem bashkë me mjekët në protestë në dyert e gjykatës, kur çështja të gjykohet në Gjykatën e Apelit. Vetëm një dënim meritojnë ata që dhunojnë mjekët: Burgun!”, shkruan ajo.
