Kryeministri Edi Rama doli në mediat italiane për të rregulluar imazhin e tij dhe të vendit pas situatës politike të krijuar në Shqipëri. Kështu u shpreh analisti Mentor Nazarko në emisionin ‘Të Paekspozuarit’.
“Unë pjesërisht pajtohem me atë që tha Andi Bushati për median ndërkombëtare, ambasadorët e huaj në Shqipëri e dinë situatën politike.
Sigurisht mediat me monitorimin e tyre krijojnë një lloj presioni. Nuk mendoj se ekspozimi për kanabisin e mbylli atë problem. Është e vërtetë që shtypi italian ka qenë i angazhuar për krizën politike shqiptare.
Nuk mund të pranoj se media italiane është më cilësorja në Evropë. Dalja e Edi Ramës në mediat italiane nuk është ofensive. Edi Rama doli tek emisioni i Bruno Vespës për të rregulluar imazhin e vetë por edhe të Shqipërisë.
Italia është edhe një vend që na sjellë turistë. Nuk mendoj se dalja e Ramës i ka bërë ndonjë dëm opozitës.”
