Ylli Shehu, i cili një ditë më parë mori mandatin e deputetit nga KQZ, ka mbërritur në Kuvend. Shehu pritet të bëjë betimin sot, duke mbyllur në këtë mënyrë proçedurat për mandatin e deputetit.
Shehu ishte pjesë e listës shumëemërore të LSI-së për Qarkun e Tiranës, dhe zëvendëson në Kuvend Floida Kërpaçin, e cila dorëzoi mandatin e deputetes, bashkë me kolegët e saj të opozitës.
Shehu ka deklaruar se nuk ka ndërmend të tradhëtojë votuesit e vet, ndërsa nuk ka humbur kohë që të marrë mandatin. Ai ka pohuar se do të jetë pjesë e opozitës në Kuvend, edhe pse opozita zyrtare nuk e njeh më këtë Parlament.
Referuar dokumentit të dekriminalizimit të depozituar prej deputetit më të ri në Kuvend, Shehu rezulton i dënuar me 200 mijë lekë gjobë për veprën penale të kontrabandës, por që nuk e penalizon për marrjen e mandatit.
Gjithashtu ai ka deklaruar se ka pasur dy mbiemra.
