Lefter Maliqi, aktualisht zv.Drejtor i përgjithshëm i Burgjeve, pritet të marrë mandatin e deputetit në emër të Partisë Demokratike.
Së fundmi, Maliqi ka dorëzuar në KQZ formularin e dekriminalizimit, duke nisur kështu proçedurën për marrjen e mandatit.
Maliqi renditej i 3-ti në listën shumëemërore të PD-së për Beratin, por në kohën e fushatës u tërhoq për shkak se pretendonte të ishte kryesues i listës së deputetëve.
Madje zyrtari aktual i Qeverisë Rama, publikisht deklaroi tërheqjen nga gara, dhe është angazhuar në fushatë për Rilindjen.
Lefter Maliqi, ish-kryetar komune në siglën e PS-së, më pas kandidat i LSI-së në zgjedhjet e 2005, iu bashkua PD-së, ku edhe fitoi një mandati deputeti.
Maliqi, ish-punonjës policie, mbahet mend për debatet dhe akuzat me zv.Kryeministrin aktual, Erjon Braçe. Ky i fundit ka akuzuar Maliqin për abuzime me pasaportat gjatë kohës që drejtonte komisariatin e policisë në Berat. Akuzat janë bërë gjatë fushatës së 2005, kur Maliqi kandidonte në një zonë me Braçen, nën siglën e LSI.
