Kryeministri Edi Rama do të mbledhë Asamblenë e PS-së të shtunën, ndërsa takimi do të mbahet në Shkodër.
Nuk dihet pse Rama ka zgjedhur qytetin më të madh në veri-lindje të vendit për të mbledhur Asamblenë, ndërsa kjo mbledhje zhvillohet dy ditë pas takimit të kreut demokrat Lulzim Basha me strukturat partiake.
Mbledhja e Asamblesë do të nisë në orën 11:00, në një nga hotelet në qendër të qytetit, ndërsa priten masa të forta sigurie.
Madje përveç policisë lokale dhe forcave të Gardës, priten të angazhohen edhe forca të FNSH-së, apo ato speciale që mund të shkojnë nga Tirana, dhe që do të rrethojnë zonën në një perimetër të gjerë. Kjo për faktin se opozita do të organizojë një protestë, ashtu sikundër ka ndodhur edhe më parë në çdo takim të Kryeministrit Rama.
Përveç mbledhjes së Asamblesë, Rama pritet të ketë takime në kuadër të nismës “Bashkia që duam”, ku nuk përjashtohet mundësia e prezantimit të kandidatëve socialistë për këtë bashki.
