Ish-Presidenti Bujar Nishani, aktualisht kryetar i Këshillit Kombëtar të PD-së, ka reaguar lidhur me protestën e djeshme të mbajtur nga opozita dhe gazit që përdori policia për shpërndarjen e protestuesve.
Përmes një postimi në rrjet, Nishani shkruan se çdo krim ndaj popullit do të hetohet!
“Ky ishte populli “i dhunshëm” mbrëmë, teksa protestonte kundër dhunës së grupeve kriminale në proçeset e votimit në Shqipëri që nga 2015 pa ndalim. Populli në mes lëndëve të dëmtimit në masë, të ndaluara për t’u përdorur ndaj grumbullimeve masive, nga çdo Konventë Ndërkombëtare. Çdo krim ndaj popullit do të hetohet!”, shkruan ish-Presidenti.
