Nënkryetari i PD-së, Edi Paloka, përmes një postimi në rrjet i ka drejtuar një apel qytetarëve për t’iu bashkuar protestës së sotme para Kuvendit.
“Motra e vëllezër!
Mos mungoni sot në protestë në orën 16.30 përpara selisë së Parlamentit. Sa më shumë të bëhemi kundër këtij kryeministri e parlamenti ilegjitim, aq më shpejtë e më me pak pasoja do të jetë largimi i tij”, shkruan Paloka.
Ndërkohë në seancën e sotme pritet të mungojë Kryeministri Edi Rama, i cili ka nisur takimet në Lushnje.
Të rinjtë e FRPD janë organizuar për zhvillimin e një proteste kunër Kryeministrit. Protestuesit do të qëndrojnë në rrugët ku është parashikuar të kalojë Rama.
