Një ditë më parë opozita zhvilloi një protest disa orëshe para godinës së Kryeministrisë, ku disa mijëra qytetarë kërkuan largimin e qeverisë Rama.
Protesta precipitoi shpejt në disa incidente, ku një grup qytetarësh kaluan kordonin e policisë, ka shumë mundim dhe u ngjitën në shkallët ballore të Kryeministrisë.
Ky ishte momenti kur gardistë të pozicionuar në tarracën e godinës qeveritare hodhën gaz toksik, ndoshta në sasinë më të madhe të përdorur në të gjitha protestat e organizuara në Tiranë përgjatë viteve të fundit.
Gazi qëllohej përmes pushkëve të posaçme, ndërsa pasojat u ndjenë tek dhjetra qytetarë. Por jo vetëm, pasi punonjës policie gjithashtu u detyruan të kërkonin ndihmë.
Fotot e mëposhtme tregojnë moment kur gazi nuk kurseu as punonjës të mediave, gazetarë, kameramanë dhe fotoreporterë, që pasqyronin protestën.
Këto janë momentet më pikante nga protesta e një dite më parë, e cila prodhoi shumë reagime dhe u lexua në mënyra të ndryshme.
