Edi Rama të largohet nga posti i Kryeministrit dhe t’I hapë rrugën zgjedhjeve të lira. Deklarata është bërë nga nënkryetari i PD-së, Edi Paloka, në një kohë kur mijëra mbështetës të opozitës po protestojnë.
Paloka është intervistuar nga Zëri i Amerikës, i cili po tranmeton direkt protestën e opozitës.
“Ramës i mbetet vetëm të vendosë mënyrën se si të largohet. Rama ka në dorë sot të vendosë vetë si të largohet. Mos të presë 20 shkurtin kur dikatorët tërhiqen zvarrë.
Këtu është gjithë Shqipëria. Zëri i Amerikës është një arsye më tepër pse qytetarët janë këtu, sepse kanë shpresën që e shohin në radhë të parë tek SHBA.
Tërë Shqipëria është këtu, qytetarët janë këtu derisa Rama të largohet.
Reagimi i Policisë nga taracat është reagimi i frikacakut, që vetë ka shkuar të fshehë kokën në Vlorë dhe ka lënë disa shërbëtorë këtu që duhet ta mbajnë vathë nëvesh këtë që po bëjnë.
Qyteti është i shqiptarëve. Protestuesit zunë atë që u takon. Ne nuk kemi ardhur t’i bëjmë qytetarët mish për top, por kemi ardhur t’i japim një mesazh Ramës dhe ky është vetëm fillimi. Nuk ka parë asgjë akoma.
Mesazhi është: Rama ik! T’u hapë rrugë zgjedhjeve të lira!
Arsye ka me mijëra, aq sa shqiptarë janë këtu, aq arsye. Një qeveri në një vend normal ikën me zgjedhje, kurse një qeveri që i vjedh dhe i blen, ne i kërkojmë të largohet. Këta qytetarë nuk mund të zgjedhin dot lirisht sa të jetë Rama në pushtet”, tha Paloka.
