Ambasadat e Delegacionit të Bashkimit Evropian dhe Shteteve Anëtare në Tiranë reagojnë për situatën e tensionuar para kryeministrisë, duke kërkuar përmbajtje dhe qetësi nga të gjithë palët, strukturave të shtetit dhe protestuesve.
“Delegacioni i Bashkimit Evropian dhe Ambasadat e Shteteve Anëtare në Tiranë u bëjnë thirrje të gjitha palëve të tregojnë përmbajtje të menjëhershme. E drejta e qytetarëve për t’u shprehur përmes protestës paqësore është një vlerë thelbësore e një demokracie moderne evropiane”-thuhet në reagim. Deklarata vijon më tej teksa indirekt dënon atë që e konsideron “akte dhunë” ndaj institucioneve.
“Megjithatë, dëmtimi i pronës publike dhe përdorimi i dhunës nuk janë të pranueshme. Ne u bëjmë thirrje të gjitha palëve të bëjnë çmos për të shmangur dhunën dhe çrregullimin e mëtejshëm”-përfundon reagimi i ambasadoreve të vendeve të BE-së.
Tensioni është i pranishëm në çdo moment ku grupe të vogla protestuesish tentojnë të ngjiten në shkallët e kryeministrisë pa ushtruar akte dhune, por nga tarraca e kryeministrisë vijon të hidhet gaz lotsjellës.
Edhe pse e shohin qartë nga vjen tensioni, ambasadorët reagojnë me qëndrim të lëkundur.
