Deputeti demokrat Flamur Noka është angazhuar në Shkodër, qark nga i cili pritet të vijnë edhe qytetarët më të shumtë që do t’i bashkohen protestuesve në Tiranë.
Ndërsa ka monitoruar transportin në mënyrë të organizuar të protestuesve, Noka tha se sot është dita e qytetarëve.
“Siç e shihni janë disa pika ku niset qytetarët drejt Tiranës. Masiviteti është i paparë. Janë mijëra qytetarë që po vërshojnë drejt Tiranës. Sot është dita të flasin qytetarët. Sot do flasin shkodranët, do flasin shqiptarët. Sot politika hesht. Është dita e tyre. Sot pritet ajo që qytetarët e dinë vetë. Sot është fjala e tyre jo e politikës”, tha Noka.
