Tre automjete të ngarkuara me lëndë drusore janë bllokuar nga IKMT, në zonën e Prekalit, Shkodër.
Sipas njoftimit, gjatë verifikimeve është konstatuar se mjetet qarkullonin pa dokumentacionin përkatës ligjor për transportin e lëndës drusore, duke shkelur ligjin.
“Janë bllokuar mjetet tip “Mercedes” me targa AB706HI, i drejtuar nga shtetasi D.N., i ngarkuar me 19 m³ lëndë drusore të llojit ah; mjeti “Ifa” me targa AA592OT, i drejtuar nga shtetasi Z.N., i ngarkuar me 13.5 m³; si dhe një tjetër “Mercedes” me targa AB967AD, i drejtuar nga shtetasi A.D., me 19 m³ lëndë drusore”, thuhet në njoftim.
Sipas njoftimit, për rastet e mësipërme janë kryer procedurat përkatëse ligjore, për masa administrative ndaj personave përgjegjës.
