Reforma elektorale duhet të miratohet përpara zgjedhjeve lokale. Apeli është dhënë për politikën shqiptare nga raportuesi për Shqipërinë në Parlamentin Evropian, Knut Fleckenstein, sipas të cilit kjo reformë duhet të implementohet përpara 30 qershorit.
“Presim që shumica në parlament dhe opozita të tregojnë vullnet të mirë dhe ne shpresojmë seriozisht se do të miratohet puna e mirë e dy grupimeve të komitetit ad-hoc, në mënyrë që tashmë të hyjë në fuqi për zgjedhjet lokale”, deklaroi ai.
Në një intervistë për “Shekulli”, ai flet edhe për fondet e IPA.
Pak ditë më parë Parlamenti Evropian, ka miratuar ligjin e fondeve IPA të Bashkimit Evropian. Janë fonde të para-aderimit, të cilat kanë për qëllim investimin në vendet e Ballkanit Perëndimor dhe menaxhimi i këtyre fondeve është i një rëndësie primare.
Për këtë arsye janë Bashkimi Evropian ka ndryshuar edhe rregullat e menaxhimit të funksionimit të fondeve që japin.
Ato do të monitorohen në mënyrë të rreptë nga ana e Bashkimit Evropian. Bashkë me menaxhimin e fondeve IPA, Parlamenti Evropian është e interesuar që Shqipëria dhe Maqedonia të plotësojë edhe kriteret e përcaktuar nga BE. Këtu përfshihet edhe reforma elektorale.
