Ministri i Brendshëm Sandër Lleshaj ka reaguar lidhur me ngjarjen e Kavajës, ku një adoleshente 13 vjeçare është përdhunuar nga disa adoleshentë.
Ngjarja u mbajt e fshehtë dhe policia reagoi vetëm pas denoncimit të bërë nga ish-Kryeministri Berisha dhe publikimit në media.
Por në mesazhin e Lleshajt nuk gjen asnjë fjalë për të dënuar ngjarjen e rëndë, ndërsa duket se ministri i Brendshëm ka menduar më shumë për të sulmuar ish-Kryeministrin.
“S’ka më fjalë shqipe për monstrën që nuk njeh asnjë cak dhe ndot çdo gjë me gjuhën e tij! Rasti fatkeq i minorenes së dhunuar është trajtuar menjëherë dhe drejt nga Policia e Shtetit.Të tjerat janë poshtërsi. Ky e ata që bëjnë politikë apo audiencë me viktimën meritojnë vetëm neveri”, shkruan Lleshaj.
Duket se ky postim i Lleshajt është pëlqyer edhe nga Kryeministri Rama, që i ka bërë një shpërndarje në rrjet edhe nga faqja e tij.
