Protestës së 16 shkurtit të thirrur nga opozita në Tiranë po i paraprijnë protesta të organizuara në qytete të ndryshme të vendit, përfshi këtu edhe bllokimin e rrugëve nacionale.
Një ditë më parë u zhvillua një protestë në rrethrrotullimin e Rrogozhinës, ku u bllokua autostrada Kavajë-Lushnje, në të dy anët e saj.
I njëjti skenar pritet të aplikohet edhe në Kukës, kun ë datën 8 shkurt do të zhvillohet protesta, që mund të çojë në bllokimin e rrugës së Kombit.
I deleguar i Kryesisë së PD-së në Kukës është nënkryetari Edi Paloka, i cili gjatë një takimi me strukturat locale tha se Kukësi është kthyer në simbolin e revoltës kundër kësaj qeverie antiqytetare e antishqiptare.
“Të gjithë gati dhe të bashkuar kundër Ramës, atij që nuk është me një kundërshtar politik por është kthyer në një armik, jo vetëm të kuksianëve, por të gjithë shqiptarëve.
Kukësi do protestojë me 8 shkurt kur do të presë dhe kryetarin e opozitës z.Basha, për t’ju bashkuar me 16 shkurt gjithë Shqipërisë në Tiranë”, tha Paloka.
