Kryeministri Edi Rama mori sot pjesë në eventin “Dyfisho sipërmarrjen tënde” nga ku bëri një deklaratë tejet qesharake që na “gajasi’ të gjithëve!
Rama foli në lidhje me forcimin e lekut dhe rënien e euros, një lëvizje që e konsideron si fakt kokëfortë për rritjen e ekonomisë së vendit.
Ndërkohë realiteti është tjetër dhe për këtë po flitet jo vetëm në Shqipëri, por edhe nga ndërkombëtarët. Në fakt, forcimi i lekut dhe rënia e euros, lidhet drejtpërsëdrejti me pastrimin e parave të krimit dhe drogës nëpërmjet ndërtimeve, etj.
“Forcimi i lekut është sukses për ekonominë shqiptare. Është tregues kokëfortë i rritjes së ekonomisë. Në një vend ku hyjnë çdo vit miliarda e miliarda. Të flasësh për narko e gomarllëqe të tilla mund të përkëdhelësh shumë vetë që kanë nevojë për lajme të këqija, por është pa lidhje.
Nëse do të ishte e vërtetë, do të ishte një lajm që s’do të vinte nga kanalet e informimit si ata që i bien violinës me vesh, por nga kanale ndërkombëtare financiare që e ndjekin ekonominë tonë me lupë. A ka ekonomi informale në Shqipëri? Sigurisht që ka. Edhe para të pisët ka, por ku nuk ka?
Është shumë e ligë t’ia veshësh Shqipërisë duke qenë shqiptar këtë lloj kostumi kaq të ndyrë. Nuk e di çfarë janë ata që e bëjnë. Te ky program është edhe pjesa juaj. Bizneset e tërhoqën shumë litarin me pagat dhe tani janë gati të paguajnë edhe më shumë se në Greqi.
Por tani duhet krijuar besimi i shqipove që tani kanë ikur për të punuar në Greqi. Shqipëria sot nuk jeton më me arritjet, por me pritshmëritë.
Kur erdha këtu, te shkallët kishte më shumë njerëz seç jemi këtu në sallë. Ishin të gjithë turistë. Sot sheh më shumë turistë në rrugët e Tiranës. Në qershor kemi pasur një stepje, me rritje prej vetëm 1 përqind. Por e vërteta është se 5.7 miliardë euro hyjnë nga turistët e huaj në vendin tonë.
Diskutojmë se këtu ka një lavatriçe të madhe parash të pista. Po kush do na linte ne të avanconin për në BE? Vetëm ideja do të na kishte ndaluar dhe do të ishim pre e inspektimeve të thella të BE. Sot po lufton sistemi, deri dje nuk e bënte këtë.
Fakti që kapen njerëz të përfshirë në rrjet që ka mundësuar sjelljen e njerëzve që kanë mundësuar sjelljen e parasë së pisët është një lajm i madh dhe tregues se po goditen nga të gjitha anët. Njëri nga këto ‘fast food’-et që sjell algoritmi, me një pamje prej kompetenti, por një personazh pa asnjë atribut, shkollim dhe asnjë ditë pune përveç industrisë së llafeve, thoshte: Përse ka rënë euro?
Po se është forcuar leku ishte përgjigja dhe bënin sikur kapën një gafë. Por kjo është e vërteta. Kemi aeroportin më të madh në rajon, mbi Beogradin prej disa vitesh, pa subvencione, se ata subvencionojnë atje. Çfarë parash janë këto? Si të mos forcohet leku pas gjithë këtyre treguesve?”– u shpreh Rama.
