Një ish-punonjës i Kanye West, Anthony Saxon Netelkos, i ka kërkuar gjykatës ta detyrojë reperin t’i paguajë rreth 1.2 milionë dollarë për shpenzimet e avokatëve, pasi fitoi një proces gjyqësor kundër tij.
Në mars, juria vendosi se Kanye kishte shkelur Kodin e Punës të Kalifornisë dhe nuk kishte siguruar mbulimin e detyrueshëm për kompensimin e punëtorëve, duke i akorduar Saxon-it 140 mijë dollarë dëmshpërblim.
Avokatët argumentojnë se çështja zgjati gati tre vjet, përfshiu mbi 740 orë pune, kosto të larta dhe rrezik financiar, pasi u mor me marrëveshje suksesi.
Ata akuzojnë gjithashtu ekipin ligjor të Kanye për taktika që zvarritën procesin dhe i kërkojnë gjykatës të miratojë pagesën e plotë të tarifave ligjore. Vendimi përfundimtar i takon gjykatës.
