Nga Boldnews.al
Ndërsa bota e trazuar sot po flet me raketa, dronë, bashkim forcash, luftë tregtare dhe panik, Shqipëria përfshihet në “konflikt”, duke grricur shtetin e Iranit. Pasoja Bela, detyroi Ramën të kalojë në “planin B” për të shmangur vëmendjen në miratimin e një rezolute në Parlament e cila shpall Gardën Revolucionare të Iranit si “organizatë terroriste”.
Shitja e kësaj rezolute si një “vlerë e shtuar” në gjeopolitikën ndërkombëtare është më qesharake, duke kapërcyer edhe kufirin e injorancës së skajshme, sidomos në mënyrën sesi tentuan ta shfaqin 83 frymorët me mandat deputeti.
Në thelbin e rezulutës të miratuar në Parlament thuhet: “Shpall Republikën Islamike të Iranit si Shtet Sponsor të Terrorizmit dhe si shtet që përdor mjete terroriste në ndjekje të objektivave të tij të politikës së jashtme”.
Me rezoluta të tilla, ose me “lajme bombë” të natyrës sesi Rama gjunjëzoi diplomatin rus në OKB për çështjen e Ukrainës, apo sesi “lideri ynë me shije”- siç e përcakton një “analist me shije imam bajalldie”, jemi mësuar në përhapjen e propagandës, por memoria kolektive nuk ka kaluar ende në demencë.
Shumë kërkesa dhe rezoluta të opozitës që kërkojnë dënimin e krimeve të luftës të kryera nga Serbia në Kosovë përgjatë viteve 1998-1999 janë rrëzuar në Parlament nga Rama dhe 83 frymorët e tij më kartonë. Kryeministri ynë nuk kërkon prishjen me të singjashmin në Beogradin zyrtar për nga mënyra sesi qeverisin.
Nëse për Iranin, një çështje larg nesh dhe tërësisht të pafuqi për të ndikuar, Rama nis rezolutë urgjente, për Serbinë ofron “letra dashurie” të hapura. Jo më larg se dy javë më parë, po me situatën “Bela” nëpër këmbë, kryeministri Edi Rama dhe presidenti serb Aleksandër Vuçiç u bashkuan në një editorial të përbashkët duke i kërkuar Bashkimit Eurpian integrimin e dy vendeve jo me të drejta të plota dhe pa të drejtë vetoje.
Propozimi i Ramës dhe Vuçiç në këtë “editorial të përbashkët” kërkonin një integrimi të përshpejtuar të vendeve kandidate të përgatitura në tregun e brendshëm të BE-së dhe në hapësirën Shengen, pa cënuar balancën ekzistuese institucionale të Unionit. Pa të drejta vetoje, pa komisionerë shtesë dhe pa prekur strukturat vendimmarrëse.
Nuk është rasti i vetëm pasi çmendina Rilindje polli të ashtëquajturën “Ballkani i Hapur”, ose “Minichengeni Ballkanik” që u përkthye në “Mega Serbia”, pasi për aq kohë sa funksionoi të dhënat tregtare, por edhe kredo politike, anoi nga Beogradi zyrtar. I gjithë ky benefit erdhi nga duart e kryeministrit shqiptar, i cili pas sulmit terrorist serb në Banjskë të Kosovës u deturua të thonte se marrëveshja për Ballkanin e Hapur kishte rënë. Tashmë është momenti i dytë që kryeministri kthehet në “ndnjenjës e vjetër”.
Mbajtja e dy qëndrimeve të njeriut që flet për “demokraci e paqe nëpër botë”, apo shet një produkt të skaduar se qeveria shqiptare ka ndikim në konflikte ndërkombëtare i shemben ndër këmbë kur vjen fjala për një rezolutë që dënon krimet serbe në Kosovë. Ndërsa pretendon se ka lëshuar një “dron rezolutë” të fuqishme kundër regjimit të Iranit, në Serbi po ofron “dron me letra dashuriçkash”!
