Është rikthyer menjëherë fluksi i madh i qarkullimit të automjeteve në aksin e rrugës kombëtare Tiranë–Elbasan–Librazhd–Pogradec–Korçë, një nga arteriet më të rëndësishme që lidh kryeqytetin me Juglindjen e vendit.
Prej orës 15:00 të kësaj të premteje, me normalizimin e qarkullimit në segmentin e bllokuar, mijëra automjete kanë nisur lëvizjen nga Tirana drejt zonave turistike të Juglindjes si Pogradec dhe Korçë.
Fluksi i shtuar i automjeteve në prag të fundjavës ka sjellë ngadalësim të ndjeshëm të qarkullimit, ndërsa në disa segmente janë krijuar edhe radhë kilometrike.
Situata paraqitet veçanërisht e rënduar në segmentin nga Tuneli i Krrabës drejt zonave të Dopajt dhe Hinkës së Shijonit, ku lëvizja e automjeteve është bërë mjaft e vështirë për shkak të volumit të madh të trafikut.
Situata e trafikut në aksin Tiranë–Elbasan–Librazhd–Pogradec–Korçë nuk është thjesht pasojë e fluksit të fundjavës, por edhe e mungesës së menaxhimit dhe planifikimit nga ana e qeverisë.
Ky është një problem i përsëritur prej vitesh, dhe megjithatë nuk ka pasur investime serioze për zgjerimin e rrugës, apo krijimin e korsive alternative.
