Detaje të reja kanë dalë nga plagosja me armë zjarri e ndodhur pasditen e sotme në Tiranë, në Rrugën e Kavajës.
34-vjeçari Akil Koxhaxhiku ndodhej në një restorant së bashku me të fejuarën e tij, kur është përfshirë në një debat verbal me Besjan Ferazini. Konflikti ka agravuar, dhe në një moment Ferazini ka nxjerrë armën duke e qëlluar në bark.
Pas të shtënës, e fejuara e ka transportuar me makinë drejt një spitali privat.
34-vjeçari ndodhet nën kujdesin e mjekëve dhe fatmirësisht është jashtë rrezikut për jetën.
