Një konflikt mes disa të miturve është regjistruar në lagjen nr. 2 të qytetit të Kukës, ku si pasojë ka mbetur i plagosur një 15-vjeçar.
Sipas njoftimit paraprak të Policisë, disa të mitur të moshës 15 dhe 16 vjeç janë konfliktuar me njëri-tjetrin për motive të dobëta, duke përdorur sende të forta.
Nga përplasja, një 15-vjeçar ka pësuar dëmtime të lehta dhe ka marrë ndihmën e nevojshme.
Sipas Policisë, janë identifikuar pesë të miturit e dyshuar si të përfshirë në konflikt. Ata janë shoqëruar në Komisariat në prani edhe të familjarëve.
Grupi hetimor, nën drejtimin e Prokurorisë, po vijon punën për sqarimin e plotë të rrethanave të ngjarjes dhe dokumentimin e saj ligjor.
