Dy vajza të reja me origjinë nga Kazakistani janë arrestuar nga Policia në Tiranë, pasi akuzohen se ushtronin aktivitetin e paligjshëm të prostitucionit.
Sipas Policisë në kuadër të operacionit “Foleja 4″, u vunë në pranga shtetaset nga Kazakistani, K. Zh., 19 vjeçe dhe Zh. Sh., 25 vjeçe, pasi nga hetimet rezultoi se ushtronin prostitucion, në një apartament që e kishin marrë me qira, në rrugën “Çamëria” në kryeqytet.
Gjithashtu, nisi procedimi penal për një shtetas 33-vjeçar, përfitues nga kjo veprimtari.
Materialet procedurale iu referuan Prokurorisë së Tiranës, për veprime të mëtejshme.
