Një 45-vjeçar është arrestuar nga Policia në Durrës, pasi dyshohet se ka kanosur me armë zjarri një shtetas 38-vjeçar.
Sipas Policisë, në pranga ka rënë shtetasi me inicialet E. K., 45 vjeç, banues në Xhafzotaj, pas denoncimit të shtetasit E. D., 38 vjeç, i cili ka deklaruar se ishte kanosur me armë zjarri.
Ngjarja dyshohet të ketë ndodhur më datë 16.02.2026, në vendin e quajtur “Kodra e Rrashbullit”, ku pas një konflikti për motive të dobëta në rrugë, 45-vjeçari ka kanosur 38-vjeçarin me një armë zjarri të dyshuar automatik.
Gjatë veprimeve hetimore, u sekuestrua automjeti i të arrestuarit, brenda të cilit u gjet edhe bërthama e predhës së një fisheku luftarak.
Materialet procedurale i janë referuar Prokurorisë pranë Gjykatës së Juridiksionit të Përgjithshëm Durrës, për veprime të mëtejshme.
