Një efektiv policie ka kërcënuar me armën e shërbimit një qytetar gjatë një konflikti të ndodhur sot në zonën e quajtur “Malajziani” në Tiranë.
Sipas raportimeve nga mediat, përplasja ka nisur pasi punonjës të një lokali i kanë kërkuar efektivit të largonte automjetin e parkuar pranë ambientit, me pretendimin se po pengonte zonën e shërbimit.
Debati mes palëve është tensionuar dhe ka kaluar nga shkëmbim fjalësh në nxjerrjen e armës nga ana e policit.
Nga pamjet e kamerave të sigurisë, që qarkullojnë në media, shihet momenti kur efektivi nxjerr armën e shërbimit ndaj personit me të cilin ishte në konflikt, ndërsa në vendngjarje ndodheshin edhe persona të tjerë, përfshirë dy gra.
