Policia e Tiranës ka njoftuar rrugët që do të bllokohen, në kuadër të protestës së thirrur nga Partia Demokratike, ditën e nesërme para Kyreministrisë.
Policia bën me dije se duke filluar që nga dita e sotme, do të kufizohet lëvizja në disa akse/segmente rrugore, konkretisht:
-Nga ora 23:45 e ditës së sotme, do të bllokohet lëvizja dhe nuk do të lejohet parkimi i automjeteve deri në përfundim të tubimit, në bulevardin ”Dëshmorët e Kombit”, nga vendi i quajtur “Ura e Dajtit” deri në rrugën “Ismail Qemali”.
-Nga ora 15:00 e ditës së nesërme deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.
Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore.
Policia ka bërë apel për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative, për të mos penguar lëvizjen e lirë të pjesëmarrësve në tubim.
Protesta e Partisë Demokratike, pritet të mbahet në orën 17:00, te Kryeministria. Kjo është protesta e tretë kombëtare e thirrur nga kjo forcë politike, ku kërkohet largimi i Edi Ramës, pas skandaleve që përfshinë qeverinë e tij.
