Përmbytje masive janë regjistruar këtë pasdite edhe në qytetin e Gjirokastrës. Si pasojë e motit të keq përroi i Fiços ka dlë nga shtrati duke përmbytur rrugët kryesore dhe ka bllokuar qarkullimin e automjeteve.
Sipas raportimeve, qytetarët janë detyruar të dalin në rrugë për të shpëtuar çfarë mundin, duke u përballur me vërshimet e mëdha të ujit, ndërsa situata më problematike raportohet në lagjen “18 Shtatori” dhe zona Muzeale.
Gjithashtu thuhet se kanë dalë nga shtrati edhe liqeni i Viroit dhe përroi i Çullës.
Qytetarët paralajmërojnë se, nëse reshjet vazhdojnë, situata mund të përkeqësohet dhe rreziku për jetën e tyre do të jetë edhe më i madh.
