Situata në kryeqytetin e Venezuela mbetet e tensionuar, ndërsa qytetarë të shumtë raportojnë prani të shtuar të forcave të sigurisë dhe një klimë frike në Karakas.
Gjatë gjithë ditës janë marrë dëshmi nga banorë që kanë kërkuar të mbeten anonimë për arsye sigurie.
Një sipërmarrës 34-vjeçar ka përshkruar një prani të gjerë të patrullave ushtarake dhe grupeve civile të armatosura që, sipas tij, mbështesin qeverinë.
“Ka ushtarë në çdo cep dhe civilë të armatosur. Qytetarët po sillen me shumë kujdes, sepse nuk dihet si mund të reagojnë autoritetet. Kemi frikë nga hakmarrja”, është shprehur ai.
Një tjetër banor i Karakasit ka treguar se, megjithëse në pamje të parë jeta e përditshme vazhdon normalisht, me dyqane dhe biznese të hapura, situata reale është ndryshe.
Sipas tij, autoritetet po kontrollojnë telefonat e civilëve, duke rritur ndjeshëm ndjenjën e pasigurisë.
