Një tjetër aksident rrugor është regjistruar mbrëmjen e kësaj të shtune në Fier, në afërsi të fshatit Mbrostar.
Një mjet tip furgon është përplasur me një tjetër makinë dhe për pasojë kanë mbetur të plagosur dy drejtuesit e mjeteve.
Sipas raportimeve paraprake aksidenti ka shkaktuar edhe dëme të konsiderueshme materiale, ndërsa paraprakisht dyshohet se shkak për aksidentin është bërë një manovër e gabuar e furgonit.
Policia ka shoqëruar shoferit e furgonit për verifikime të mëtejshme, si dhe për zbardhjen e shkaqeve dhe rrethanave të aksidentit.
