Nga Boldnews.al
I gjithë tensioni i shtirur dy mujor u kryeministrit Edi Rama u mbyll në pak orë, duke i dhënë vetes pushime të qeta, pa u stresuar asfare. Mesditën e së enjtes, kreu I qeverisë kishte në agjendën e “punëve që do kryente” zgjedhjet për drejtuesin e ri të SPAK. Ashtu u bë, me pak spektakël brenda dhe nën vëzhgimin e ambasadorëve të huaj si dekor, ndodhi ajo që pritej; zgjedhja e Klodian Brahos nën drejtimin e Prokurorisë Speciale.
Pa u shuar jehona e këtij lajmi, mbrëmjen vonë, kryeministri rreshtoi të tijët për të zgjedhur me firmat e PD-së Avokatin e “Popullit të tij”, Endri Shabanin. Gjumin e bëri të qetë natën, për ta nisur të premten po mbarë me “dërgimin” në Gjykatën Kushtetuese të vendimit që ata do të lexonin për prishjen e vendimit të SPAK dhe GJKKO-së mbi pezullimin nga detyra të zëvendëskryeministres dhe Ministres së Infrastrukturës dhe Energjitikës, Belinda Balluku.
Asnjë befasi. Zëvëndëskryeministrja busëqeshi dhe tashmë këto dy ditë pushimi do I bëjë të qeta për të pritur të hënën në mëngjes rikthimin në detyrë. Nëse mendon se “presioni” i saj solli këtë vendim do regjistrohet në listën e gjatë të naivëvëve politikë, ndonëse në çdo rast ajo është e dëtyruar të falenderojë kryeministrin për gjithçka bëri.
Ka shumë sy për shfaqjen kryeministrore. Ambasadorët e vendeve të huaja një ditë e kishin rolin si spektatorë dhe juri që do i varnin në qafë medaljen e çmimit të parë krye-SPAK-ksit, sepse ditën e sotme u kthyen sërish në dekor imagjinar. A do jenë ambasadorët e huaj në ditën që kushtetuesit e kastruar në sallën e Rilindjes të japin vendimin për Ballukun?
Cilido të jetë vendimi, nuk do të sjellë asgjë të re, asnjë befasi për Ramën. Përkundrazi, është gati tu japë biletën edhe ndërkombëtarëve në shfaqjet që si aktorë dytësorë po vëtëofrohen edhe përfaqësues të lartë të Partisë Demokratike.
Puna u krye, në dy ditë mbylli shfaqjen dy mujore me mjaft sukses. Priten pushime deri në janar, për të pasur kohë në shkrimin e skenarit të radhës. Për ta bërë interesant fundvitin, vetë opozita ka menduar të jetë aktore e një shfaqje tjetër për të vënë në zbatim skenarin dhe regjinë e Ramës. Priten protesta nga opozita, por protesta dhe “revolta” me agjendë të saktë, jo jashtë skenarit!
